Դատաստանի օրվա ժամացույցի սլաքները ավելի են մոտեցել կեսգիշերին

2026 թ. հունվարի 27-ին գիտնականները Դատաստանի օրվա ժամացույցիa սլաքները ավելի մոտեցրին կեսգիշերին։ Կեսգիշերը մատնանշում է մարդու գործունեության հետևանքով առաջացած համաշխարհային աղետը։

• «Ատոմային գիտնականների տեղեկագրի գիտության և անվտանգության խորհուրդը Դատաստանի օրվա ժամացույցի սլաքները տեղափոխեց՝ դնելով կեսգիշերից 85 վայրկյան պակաս նշագծի վրա։ Սլաքները երբևէ այդքան մոտ չեն եղել աղետին (Bulletin of the Atomic Scientists)։

• «Դատաստանի օրվա ժամացույցի ուղերձը ավելի հստակ չի կարող լինել։ Աղետալի իրավիճակների թիվը մեծանում է, համագործակցությունը պակասում է, իսկ ժամանակը՝ սպառվում։ Փոփոխությունները անհրաժեշտ են և հնարավոր, բայց համաշխարհային հանրությունը իր առաջնորդներից պետք է պահանջի անհապաղ քայլեր ձեռնարկել» (Ալեքսանդրա Բել, «Ատոմային գիտնականների տեղեկագրի» նախագահ և գլխավոր գործադիր տնօրեն)։

Մարդկության և մեր մոլորակի վերջը մոտենո՞ւմ է։ Պե՞տք է վախենալ ապագայից։ Ի՞նչ է ասում Աստվածաշունչը։

Ինչ է սպասվում ապագայում

Աստվածաշունչն ասում է, որ «երկիրը կմնա հավիտյան», և մարդիկ «հավիտյան այնտեղ կապրեն» (Ժողովող 1։4; Սաղմոս 37։29)։ Դա նշանակում է, որ մարդիկ չեն կործանի երկիրը կամ բնակության համար անպիտան չեն դարձնի այն։

Սակայն Աստվածաշնչում խոսվում է վերջի մասին։ Օրինակ՝ այնտեղ ասվում է, որ «այս աշխարհն անցնում է» (1 Հովհաննես 2։17)։

• Իմանալու համար, թե Աստվածաշունչը ինչ նկատի ունի, երբ խոսում է աշխարհի վերջի, կամ՝ վախճանի մասին, կարդացեք «Աշխարհի վերջը մո՞տ է։ Ի՞նչ է Ապոկալիպսիսը» հոդվածը։

• Կարդացեք «Ե՞րբ է լինելու աշխարհի վերջը» հոդվածը, որպեսզի իմանաք, թե ինչ է Աստվածաշունչն ասում համաշխարհային գալիք իրադարձությունների ժամանակացույցի վերաբերյալ։

Ինչպես դրական տրամադրվածություն պահպանել

Աստվածաշունչը կարող է օգնել մեզ դրական տրամադրվածություն պահպանել՝ չնայած աշխարհի ներկայիս խնդիրներին։

• Այն գործնական խորհուրդներ է տալիս (2 Տիմոթեոս 3։16, 17)։ Օրինակ՝ կարդացեք «Ինչպես կառավարել անհանգստության զգացումը» հոդվածը՝ տեսնելու համար, թե Աստվածաշունչն ինչպես կարող է օգնել ձեզ դրական մտավիճակ ունենալ՝ չնայած կյանքի դժվարություններին։

• Այն նաև ապագայի արժանահավատ հույս է տալիս (Հռոմեացիներ 15։4)։ Այնտեղ բացատրվում է, թե ինչ սպասելիքներ կարող ենք ունենալ ներկայից և ապագայից և թե ինչպես կարող ենք հանգստություն պահպանել՝ անկախ նրանից, թե ինչ իրադարձություններ տեղի կունենան աշխարհում։

Աստծու Խոսքից ավելին իմանալու համար սրտանց առաջարկում ենք անցնել Աստվածաշնչի ուսումնասիրության դասընթաց ուսուցանողի օգնությամբ։