Օգտակար առաջարկ
Հոգևոր գանձեր գտիր Եհովայի մասին
Աստվածաշունչը կարդալիս մենք կարող ենք օգտվել ուսումնասիրության տարբեր գործիքներից, որպեսզի ավելի լավ հասկանանք մեր ընթերցածը։ Սակայն մեր նպատակը պարզապես գիտելիքներ կուտակելը չէ։ Մենք ուզում ենք Եհովայի մասին հոգևոր գանձեր գտնել, որոնք կխորացնեն մեր սերը նրա հանդեպ։ Ուստի լավ կլինի՝ ինքներս մեզ հարցնենք. «Այս արձանագրությունից ի՞նչ եմ սովորում Եհովայի մասին»։
Օրինակ՝ կարող ես ավելի շատ տեղեկություններ գտնել Եհովայի սիրո, իմաստության, արդարության և զորության մասին, բայց նրա հատկությունները այդքանով չեն սահմանափակվում։ Իսկ որտե՞ղ կարող ես ավելի շատ տեղեկություններ գտնել նրա հատկությունների վերաբերյալ։
«Փնտրտուքների ուղեցույց Եհովայի վկաների համար» ձեռնարկում «Եհովա Աստված» թեմայի տակ գտիր «Եհովայի հատկությունները» վերնագիրը։ Այնուհետև ուսումնասիրիր Եհովայի այն հատկությունները, որոնց մասին խոսվում է Աստվածաշնչի՝ քո ընթերցած հատվածում։