ԱՊՐԵՆՔ ՈՐՊԵՍ ՔՐԻՍՏՈՆՅԱ
Բարելավենք մեր հմտությունները ծառայության մեջ. ճշմարտությամբ հետաքրքրվող անհատներին հորդորենք այցելել ժողովի հանդիպումների
ԻՆՉՈՒ Է ԿԱՐԵՎՈՐ։ Ժողովի հանդիպումները հնարավորություն են տալիս կանոնավորաբար «երգելու Եհովային» և գովաբանելու նրան (Սղ 149։1)։ Հանդիպումների ժամանակ մենք սովորում ենք կատարել Աստծու կամքը (Սղ 143։10)։ Ճշմարտությամբ հետաքրքրվող անհատները և Աստվածաշունչ ուսումնասիրողները սովորաբար հոգևորապես ավելի արագ են առաջադիմում, երբ սկսում են հաճախել ժողովի հանդիպումներին։
ԻՆՉՊԵՍ ԱՆԵԼ
Հնարավորինս շուտ հրավիրիր նրան հանդիպման։ Կարիք չկա, որ սպասես, մինչև Աստվածաշնչի ուսումնասիրություն սկսվի (Հտն 22։17)։
Հետաքրքրություն ցույց տվող անհատին բացատրիր, թե նա ինչ կարող է ակնկալել, և թե ինչ է քննարկվելու հաջորդ հանդիպմանը։ Այս հարցում կարող են օգնել ժողովի հանդիպումների հրավիրատոմսը, «Ի՞նչ են անում Թագավորության սրահում» տեսանյութը և «Եհովայի կամքը» գրքույկի 5-րդ և 7-րդ դասերը։
Օգնություն առաջարկիր։ Գուցե հետաքրքրություն ցույց տվող անհատը կարիք ունի, որ իրեն մեքենայով տանեն ժողովի հանդիպման, կամ իրեն օգնություն է հարկավոր պատշաճ հագուստ ընտրելու համար։ Հանդիպման ժամանակ նստիր նրա կողքը, և միասին հետևեք ծրագրին։ Ծանոթացրու նրան ուրիշների հետ։