Հայտարարություններ

◼ Տարածելու համար նախատեսված գրականությունը։ Մարտ և ապրիլ. «Դիտարան» և «Արթնացե՛ք» ամսագրեր։ Երբ վերայցելություն ես անում, առաջարկիր «Աստվածաշունչը սովորեցնում է» գիրքը կամ «Լսիր Աստծուն» կամ «Լսիր Աստծուն և ապրիր հավիտյան» գրքույկները, եթե սրանցից որևէ մեկը համապատասխանում է մարդու կարիքներին, ու ձգտիր ուսումնասիրություն սկսել։ Մայիս և հունիս. «Կյանքը խաղաղ նոր աշխարհում», «Կապրի՞ այս աշխարհը», «Վայելեք ընտանեկան կյանքը» և «Ցանկանո՞ւմ եք իմանալ ճշմարտությունը» թերթիկները։ Եթե մարդը հետաքրքրվում է, ցույց տուր, թե ինչպես ենք անցկացնում Աստվածաշնչի ուսումնասիրություն՝ «Աստվածաշունչը սովորեցնում է» գրքի կամ «Լսիր Աստծուն» կամ «Լսիր Աստծուն և ապրիր հավիտյան» գրքույկների միջոցով։

◼ Հիշատակի երեկոն տեղի է ունենալու 2013թ. մարտի 26-ին, որը երեքշաբթի օր է։ Եթե ձեր ժողովը երեքշաբթի օրը սովորաբար հանդիպում է ունենում, ապա այդ օրվա հանդիպումը հարկավոր է տեղափոխել շաբաթվա ուրիշ օր, եթե Թագավորության սրահն ազատ է։ Եթե հնարավոր չէ անցկացնել Ծառայողական հանդիպումը, երեցների խորհրդի կոորդինատորը կարող է ծրագրում փոփոխություններ անել, որպեսզի այդ շաբաթվա՝ ժողովին վերաբերող թեմաները քննարկվեն մեկ ուրիշ անգամ։ Եթե այդ շաբաթ շրջանային վերակացուն այցելելու է ժողով, երեքշաբթի օրվա հանդիպումը հարկավոր է անցկացնել շաբաթվա մեկ ուրիշ օր։