Հայտարարություններ

◼ Տարածելու համար նախատեսված գրականություն. հունիս. առաջարկելու ենք «Ստեղծիչ» կամ «Ընտանեկան երջանկություն» գրքերը։ Հուլիս և օգոստոս. կարելի է առաջարկել հետևյալ 32–էջանոց գրքույկները՝ «Աստված հոգ տանո՞ւմ է մեր մասին», «Հավիտյան վայելիր կյանքը երկրի վրա», «Արթո՛ւն կացեք», «Հարկավո՞ր է հավատալ Երրորդությանը», «Ի՞նչ է տեղի ունենում մահից հետո», «Ո՞րն է կյանքի իմաստը. ինչպե՞ս կարելի է այն գտնել» և «Երբ մահանում է քո սիրելիներից մեկը»։ Սեպտեմբեր. տարածելու ենք «Աստվածաշունչը սովորեցնում է» գիրքը։ Հատուկ ջանքեր պետք է գործադրենք առաջին այցելության ժամանակ Աստվածաշնչի ուսումնասիրություն սկսելու համար։ Եթե անհատը արդեն ունի այս հրատարակությունը, ցույց տուր նրան, թե ինչպես կարող է օգուտներ քաղել գրքից, ինչը կարող ես անել՝ հակիրճորեն ցույց տալով, թե ինչպես է անցկացվում Աստվածաշնչի ուսումնասիրությունը։ Հոկտեմբեր. առաջարկելու ենք «Դիտարան» և «Արթնացե՛ք» պարբերագրերի առանձին համարներ։ Հետաքրքրություն նկատելու դեպքում առաջարկիր «Արթուն կացե՛ք» գրքույկը՝ նպատակ ունենալով հետաքրքրություն զարգացնել Աստվածաշնչի հանդեպ։

◼ Քանի որ սեպտեմբեր ամիսն ունի հինգ շաբաթ–կիրակի, այն կարող է ենթառահվիրայության հրաշալի ամիս լինել։

◼ Սեպտեմբեր ամսից սկսած՝ շրջանային վերակացուները կներկայացնեն «Ի՞նչն է ցույց տալիս, որ Աստվածաշունչը վավերական է» վերնագրով հանրային ելույթը։

◼ Խորհուրդ է տրվում, որ ընդհանուր ռահվիրայության դիմումները մասնաճյուղ ուղարկվեն ռահվիրայական ծառայությունը սկսելու ամսաթվից առնվազն 30 օր առաջ։ Ժողովի քարտուղարը պետք է ստուգի, որ բլանկներն ամբողջությամբ լրացված լինեն։ Եթե դիմումը լրացնողը չի հիշում իր մկրտության ճշգրիտ ամիս–ամսաթիվը, նա պետք է մոտավորապես հաշվի և գրի առնի այն։ Քարտուղարը պետք է այդ ամսաթիվը նշի «Քարոզչի հաշվետվության քարտում» (S-21)։

◼ Ժողովում առկա ողջ գրականության ու պարբերագրերի տարեկան հաշվառումը պետք է անել 2007 թ. օգոստոսի 31–ին կամ այդ ամսաթվին մոտ օրերին։ Հաշվառումն անցկացվում է այնպես, ինչպես սովորաբար ամսական հաշվառումը, որն արվում է գրականությունը կոորդինացնող եղբոր կողմից։ Հաշվառման արդյունքները հարկավոր է անցկացնել «Գրականության հաշվառում» (S-18) բլանկ։ Պարբերագրերի ընդհանուր թիվը պետք է իմանալ պարբերագրերի համար պատասխանատու եղբորից (եղբայրներից)։ Կոորդինացնող ժողովի քարտուղարը պետք է հետևի հաշվառման ընթացքին։ Բլանկը ստորագրում են կոորդինացնող ժողովի քարտուղարը և նախագահող վերակացուն։ Յուրաքանչյուր կոորդինացնող ժողով կստանա «Գրականության հաշվառում» (S-18) բլանկի երեք օրինակ։ Խնդրում ենք, բլանկի բնօրինակը ուղարկել մասնաճյուղ սեպտեմբերի 6–ից ոչ ուշ։ Մեկ օրինակը պահեք ժողովի քարտարկղում։ Իսկ երրորդ օրինակը կարող եք գործածել որպես սևագիր։