Աշխարհը երբևէ կմիավորվի՞

ԱՇԽԱՐՀԸ խաղաղությա՞ն շեմին է կանգնած, թե՞ աղետի։ Թվում է՝ երկուսի համար էլ համոզիչ փաստարկներ կան։

Աշխարհի ղեկավարները վստահությամբ են խոսում համաշխարհային խաղաղության մասին՝ որպես հասանելի նպատակի, հնարավոր է այն պատճառով, որ հակառակը պատկերացնելը շատ սարսափելի է։ Սակայն շատերին մտահոգում են հետևյալ հարցերը՝ ո՞ր ազգերն ունեն մասսայական ոչնչացման զենքեր։ Կհամարձակվե՞ն օգտագործել դրանք։ Ի՞նչ կպատահի, եթե նրանք անեն դա։

Պատմությունը ցույց է տալիս, որ մրցակցությունն ու նախապաշարումը միշտ էլ ի չիք են դարձնում միավորվելու ցանկացած հույս, իսկ կրոնները բախումների կրակն ավելի են բորբոքում՝ այն հանգցնելու փոխարեն։ «Ցանկացած բան, որ բաժանում է մարդկանց, կարող է ստեղծել թշնամություն, իսկ կրոնը պառակտիչ գործոններից ամենամեծն է»,— գրում է լրագրող Ջեյմս Հոթը։ «Չնայած այն տարածված կարծիքին, թե կրոնը մարդկանց «լավն» է դարձնում՝ ակնհայտ է, որ այն որոշ մարդկանց սարսափելի արարքների է դրդում»։ Գրող Ստիվեն Ուինբերգը նույն կարծիքին է։ Նա գրում է. «Միայն կրոնը կարող է լավ մարդկանց դրդել չարություն գործելու»։

Որևէ հույս կա՞, որ մեր աշխարհը երբևէ կմիավորվի։ Այո՛։ Սակայն, ինչպես կտեսնենք, այդ փոփոխությունները մարդկանց կամ մարդակերտ կրոնների միջոցով չէ, որ կիրականանան։

[նկար 3–րդ էջի վրա]

Կարելի՞ է ասել, որ աշխարհը նման է նռնակի, որը պատրաստ է պայթելու