Շարունակիր առաջադիմել

Աստվածաշնչյան այս դասընթացից դու շատ բան ես սովորել Եհովայի մասին։ Եհովային ճանաչելով՝ դու նրան այնքան շատ ես սիրել, որ հավանաբար արդեն նվիրվել ես և մկրտվել։ Իսկ եթե ոչ, գուցե մտածում ես մոտ ապագայում անել այդ քայլը։ Սակայն մկրտությունը քո հոգևոր ուղու սկիզբն է միայն։ Դու դեռ մի ամբողջ հավիտենություն շարունակելու ես մտերմանալ Եհովայի հետ։ Ինչպե՞ս։

1. Ինչո՞ւ պետք է շարունակես ամրացնել Եհովայի հետ քո մտերմությունը

Մենք պետք է շարունակական ջանքեր գործադրենք, որ ամրացնենք Եհովայի հետ մեր հարաբերությունները։ Իսկ ինչո՞ւ։ «Որպեսզի երբեք ճանապարհից չշեղվենք» (Եբրայեցիներ 2։1)։ Ի՞նչը կօգնի, որ շարունակենք հավատարմորեն ծառայել Եհովային։ Մենք պետք է ակտիվ լինենք քարոզչական գործում, ինչպես նաև Եհովային ծառայելու նոր կերպեր փնտրենք (կարդա Փիլիպպեցիներ 3։16)։ Եհովային ծառայելը կյանքի լավագույն ուղին է (Սաղմոս 84։10)։

2. Է՞լ ինչ պետք է անես

Ճիշտ է, Աստվածաշնչի այս դասընթացը ավարտին է մոտենում, սակայն քո քրիստոնեական ընթացքը չի ավարտվում։ Աստվածաշունչն ասում է, որ պետք է «հագնենք նոր անձնավորությունը» (Եփեսացիներ 4։23, 24)։ Շարունակելով ուսումնասիրել Աստծու Խոսքը և հաճախել հանդիպումներին՝ դու նորանոր բաներ կսովորես Եհովայի և նրա հատկանիշների մասին։ Եհովային ընդօրինակելու կերպեր փնտրիր և արա ամեն անհրաժեշտ փոփոխություն, որ ուրախացնես նրան։

3. Եհովան ինչպե՞ս կօգնի քեզ, որ շարունակես առաջադիմել

Աստվածաշնչում ասվում է. «Աստված.... ավարտին կհասցնի ձեր ուսուցումը։ Նա կզորացնի ձեզ, ամուր և հաստատուն կդարձնի» (1 Պետրոս 5։10)։ Բոլորս էլ գայթակղությունների ու փորձությունների առաջ ենք կանգնում։ Բայց Եհովան մեզ տալիս է ամեն անհրաժեշտ բան, որ դիմակայենք դրանց (Սաղմոս 139։23, 24)։ Նա խոստանում է տալ և՛ ցանկություն, և՛ ուժ, որ հավատարմորեն ծառայենք իրեն (կարդա Փիլիպպեցիներ 2։13)։

ԻՄԱՆԱՆՔ ԱՎԵԼԻՆ

4. Շարունակիր հաղորդակցվել քո լավագույն Ընկերոջ հետ

Աղոթելու և Աստվածաշունչ ընթերցելու շնորհիվ դու դարձել ես Եհովայի ընկերը։ Այդ սովորությունները բարելավելը կարող է օգնել քեզ ամրացնել նրա հետ քո մտերմությունը։

Կարդացեք Սաղմոս 62։8-ը և քննարկեք հետևյալ հարցը.

• Ինչպե՞ս կարող ես աղոթքներդ ավելի բովանդակալից և անկեղծ դարձնել։

Կարդացեք Սաղմոս 1։2-ը և ծանոթագրությունը, այնուհետև քննարկեք այս հարցը.

• Ինչպե՞ս կարող ես Աստվածաշնչի ընթերցանությունդ ավելի խորը և արդյունավետ դարձնել։

Ինչպե՞ս կարող ես անձնական ուսումնասիրությունդ ավելի բովանդակալից դարձնել։ Մի քանի առաջարկներ տեսնելու համար դիտեք ՏԵՍԱՆՅՈՒԹԸ և քննարկեք հաջորդող հարցերը.

ՏԵՍԱՆՅՈՒԹ. «Բարելավիր անձնական ուսումնասիրությունդ» (5։22)

• Այս առաջարկներից որո՞նք կարող ես կիրառել։

• Ո՞ր թեմաների մասին կցանկանայիր ուսումնասիրություն անել։

5. Հոգևոր նպատակներ դիր

Հոգևոր նպատակները կօգնեն քեզ, որ շարունակես առաջադիմել։ Դիտեք ՏԵՍԱՆՅՈՒԹԸ, այնուհետև քննարկեք հաջորդող հարցը.

ՏԵՍԱՆՅՈՒԹ. «Լավագույն կյանքը» (3։31)

• Հոգևոր նպատակներ դնելը ի՞նչ օգուտներ բերեց Կամերոնին։

Թեև ոչ բոլորս հնարավորություն ունենք քարոզելու նպատակով տեղափոխվել այլ երկիր, սակայն բոլորս էլ կարող ենք հասանելի հոգևոր նպատակներ դնել։ Կարդացեք Առակներ 21։5-ը և քննարկեք, թե ինչ նպատակ կարող ես դնել՝

• ժողովում,

• քարոզչական ծառայության մեջ։

Վերոնշյալ համարում նշված սկզբունքը ինչպե՞ս կարող է օգնել, որ հասնես նպատակներիդ։

Նպատակներ, որոնք կարող ես դնել քո առաջ

• Բարելավել աղոթքների որակը։

• Ամբողջությամբ ընթերցել Աստվածաշունչը։

• Ճանաչել ժողովի բոլոր քարոզիչներին։

• Որևէ մեկի հետ Աստվածաշնչի ուսումնասիրություն սկսել։

• Ծառայել որպես ենթառահվիրա կամ ռահվիրա։

• Եթե եղբայր ես, ձգտել դառնալ ծառայող օգնական։

ԱՄՓՈՓՈՒՄ

Շարունակիր ամրացնել Եհովայի հետ քո հարաբերությունները և հոգևոր նպատակներ դնել։ Այդպես դու կկարողանաս վայելել կյանքը հավիտյան։

Վերհիշենք

• Ինչո՞ւ ես վստահ, որ Եհովան կօգնի քեզ հավատարմորեն ծառայել իրեն։

• Ինչպե՞ս կարող ես ամրացնել Եհովայի հետ քո մտերմությունը։

• Հոգևոր նպատակներն ինչպե՞ս կօգնեն, որ առաջադիմությունդ կանգ չառնի։

ԲԱՑԱՀԱՅՏԻՐ ԱՎԵԼԻՆ

Ի՞նչն է Եհովան ավելի արժևորում՝ մեկ անձնազոհ արա՞րքը, թե՞ ողջ կյանքում իրեն հավատարմորեն ծառայելը։

«Հավատարիմ եղիր, ինչպես Աբրահամը» (9։20)

Անգամ նա, ով հավատարմորեն ծառայում է Եհովային, կարող է կորցնել իր ուրախությունը։ Տես, թե ինչը կօգնի վերագտնել այն։

«Ուսումնասիրության և խորհրդածության միջոցով վերագտիր ուրախությունդ» (5։25)

Ինչպե՞ս կարող ես հոգևոր նպատակներ դնել և հասնել դրանց։

«Հոգևոր նպատակների միջոցով փառաբանիր քո Արարչին» («Դիտարան», 2004, հուլիսի 15)

Հասուն լինելն ինչո՞ւ է կարևոր քրիստոնյայի համար, և ինչպե՞ս կարող ես ձգտել հասունության։

«Շտապիր դեպի հասունություն. «Մոտ է Եհովայի մեծ օրը»» («Դիտարան», 2009, մայիսի 15)