Սաղմոսներ

Գանգատ թէ հաւատացեալները քիչ են, իսկ չարերը շատ։ Յոյս Աստուծոյ օգնութեան վերայ։

Երգողների գլխաւորին։ Ութերորդի վերայ։* Դաւիթի Սաղմոս։

12 Փրկիր, Տէր, որովհետեւ սուրբերը պակասուեցան. որովհետեւ հաւատացեալները քիչացան մարդկանց որդիների միջից։

2 Ամեն մարդ զուր բան է խօսում իր ընկերի հետ. նենգաւոր շրթունքներով եւ կեղծ սրտով են խօսում։

3 Տէրը կ’կտրէ ամեն նենգաւոր շրթունքները, եւ մեծ բաներ խօսող լեզուն։

4 Որ ասում են՝ թէ Մեր լեզուներովը զօրաւոր ենք, մեր շրթունքները մեզ հետ են. ո՞վ է տէր մեզ համար։

5 Խեղճերի նեղութեան եւ աղքատների հառաչելու համար հէնց հիմա վեր կ’կենամ, ասում է Տէրը. փրկութեան մէջը կ’դնեմ նորան որ փափաքում է նորան։

6 Տիրոջ խօսքերը մաքուր խօսքեր են, ինչպէս արծաթ որ բովի մէջ երկրի վերայ սրբուած եւ եօթն անգամ պարզուած է։

7 Դու, Տէր, կ’պահես նորանց, եւ կ’ապրեցնես նորանց այս ազգիցը մինչեւ յաւիտեան։

8 Ամբարիշտներն ամեն կողմով ման են գալիս՝ երբոր անպիտանները բարձրանում են մարդկանց որդիների մէջ։