Wat Matthew Wen Write
1 Dis da book dat tell da life of Jesus Christ.* He wen come from David’s line, who wen come from Abraham’s line.
2 Abraham wuz faddah to Isaac,
Isaac wuz faddah to Jacob,
Jacob wuz faddah to Judah an his braddahs.
3 Judah wuz faddah to Peʹrez* an Zeʹrah. Dea maddah wuz Taʹmar.
Peʹrez wuz faddah to Hezʹron,
Hezʹron wuz faddah to Ram,
4 Ram wuz faddah to Am·minʹa·dab,
Am·minʹa·dab wuz faddah to Nahʹshon,
Nahʹshon wuz faddah to Salʹmon,
5 Salʹmon wuz faddah to Boʹaz. His maddah wuz Raʹhab.
Boʹaz wuz faddah to Oʹbed. His maddah wuz Ruth.
Oʹbed wuz faddah to Jesʹse.
6 Jesʹse wuz faddah to David da king.
David wuz faddah to Solʹo·mon. His maddah wuz U·riʹah’s wife.
7 Solʹo·mon wuz faddah to Re·ho·boʹam,
Re·ho·boʹam wuz faddah to A·biʹjah,
A·biʹjah wuz faddah to Aʹsa,
8 Aʹsa wuz faddah to Je·hoshʹa·phat,
Je·hoshʹa·phat wuz faddah to Je·hoʹram,
Je·hoʹram wuz faddah to Uz·ziʹah,
9 Uz·ziʹah wuz faddah to Joʹtham,
Joʹtham wuz faddah to Aʹhaz,
Aʹhaz wuz faddah to Hez·e·kiʹah,
10 Hez·e·kiʹah wuz faddah to Ma·nasʹseh,
Ma·nasʹseh wuz faddah to Aʹmon,
Aʹmon wuz faddah to Jo·siʹah,
11 Jo·siʹah wuz faddah to Jec·o·niʹah an his braddahs aroun da time da Jews wen get kick out an had fo go Babylon.
12 Afta dey had fo go Babylon, Jec·o·niʹah wuz faddah to She·alʹti·el,
She·alʹti·el wuz faddah to Ze·rubʹba·bel,
13 Ze·rubʹba·bel wuz faddah to A·biʹud,
A·biʹud wuz faddah to E·liʹa·kim,
E·liʹa·kim wuz faddah to Aʹzor,
14 Aʹzor wuz faddah to Zaʹdok,
Zaʹdok wuz faddah to Aʹchim,
Aʹchim wuz faddah to E·liʹud,
15 E·liʹud wuz faddah to El·e·aʹzar,
El·e·aʹzar wuz faddah to Matʹthan,
Matʹthan wuz faddah to Jacob,
16 Jacob wuz faddah to Joseph. He wuz Mary’s husban, an she wuz da maddah of Jesus, who da peopo call da Christ.
17 Ova time, wuz 14 faddahs* from Abraham til David, wuz 14 faddahs from David til dey had fo go Babylon, an wuz 14 faddahs from wen dey had fo go Babylon til da Christ.
18 Dis wat wen happen befoa Jesus Christ wuz born. His maddah Mary wuz goin get married to Joseph. But befoa dey wen marry, God wen use his powa fo make her hapai. 19 Cuz Joseph wuz one good guy an neva like her come shame, he wanted fo call tings off* wit her witout letting plenny peopo know. 20 Afta he wen tink about all dese tings, eh, try look! One angel from Jehovah* come to him in one dream an tell: “Joseph, da one from David’s line, no sked make Mary yoa wife,* she stay hapai cuz of God’s powa.” 21 She goin give birth to one boy, an you goin name him Jesus,* cuz he goin save peopo from sin. 22 All dis wen really happen jus like Jehovah had tell thru his prophet:* 23 “Try look! Da virgin goin come hapai an give birth to one boy, an dey goin name um Im·manʹu·el,” dat mean, “God Stay Wit Us.”
24 Den Joseph had wake up from sleeping an did wat da angel from Jehovah wen tell him fo do. An he wen take Mary home fo be his wife. 25 But he neva have sex wit her til she wen give birth to da boy, an he wen name um Jesus.