TREZÒ KI NAN PAWÒL BONDYE A | EGZÒD 33-34

Jewova gen anpil bèl kalite

Lefètke Moyiz te konprann kalite Jewova yo, sa te ede l boule ak Izrayelit yo avèk pasyans. Menm jan an tou, si n chèche pi byen konprann kalite Jewova yo, n ap ka montre n gen mizèrikòd nan fason n boule ak frè ak sè nou yo.

‘Mizèrikòd ak kè sansib’: Jewova pran swen moun k ap adore l yo, li demontre lanmou ak afeksyon pou yo e li montre anpil sousi pou yo, menm jan paran yo konn fè sa pou pitit yo
“Pa fè kòlè fasil”: Jewova gen pasyans ak sèvitè l yo, li kontinye sipòte yo lè yo fè erè e li ba yo tan pou yo fè chanjman
“Anpil lanmou fidèl”: Jewova demontre lanmou fidèl pou pèp li a e li atache avè l pou toutan

Foto ki ansanm: Temwen Jewova yo imite kalite Jewova yo. 1. De ansyen ap vizite yon fanmi lakay yo e y ap pataje yon ankourajman ki soti nan Bib la avèk yo. 2. Yon sè ap rekonfòte yon lòt sè k ap kriye.

MANDE TÈT OU: ‘Ki jan m ka montre m gen mizèrikòd ak kè sansib menm jan ak Jewova?’