Anons

◼ Piblikasyon n ap ofri nan mwa novanm ak desanm: Liv Ki sa Labib anseye toutbonvre? a oubyen tout nouvo feyè nou genyen an kreyòl yo. Janvye ak fevriye: Bon nouvèl Bondye bay la!, Koute Bondye, Koute Bondye pou w viv pou toutan.

◼ Tout 275 kongregasyon ki nan peyi a te rasanble nan onz vil e yo tout te gen kongrè nan menm dat la. Pou kèk diskou, yo te relye ansanm ak Santo sou Entènèt e frè Samuel Herd, manm Kolèj santral la, te bay plizyè diskou ki ankourajan. Gen plizyè nouvo piblikasyon ak yon nouvo DVD ki te parèt nan kongrè a e pandan pwogram nan yo te pase plizyè videyo. Men, moman ki te pi espesyal nan pwogram nan se lè yo te prezante Labib — Tradiksyon monn nouvo a nan lang kreyòl ayisyen. Plizyè peyi te relye ansanm ak peyi d Ayiti sou Entènèt tankou: Repiblik dominikèn, Kiraso, Ariba ak Ekwatè. Evènman istorik sa a te fè nou franchi yon etap enpòtan nan istwa teyokratik peyi a e Jewova, Kreyatè nou an, te jwenn anpil louwanj.