Fè moun konnen laverite sou Jezi avèk zèl

N ap vin pi zele lè nou konnen ki jan pou nou pataje laverite sou Jezi ak lòt moun. Jezi se wòch ki nan kwen fondasyon an, se sou li vrè lafwa a bati (Efe. 2:20). San Jezi nou pa t ap gen okenn espwa nan lavi a (Tra. 4:12). Se sa k fè li enpòtan pou n rekonèt pozisyon Jezi genyen nan objektif Bondye. Gen anpil moun yo twonpe ak yon seri doktrin ki pa biblik. Malerezman, moun sa yo sanlè pa jwenn benediksyon Bondye pwomèt moun ki demontre lafwa nan Jezi yo. Zèl nou genyen pou laverite ap motive nou pou n ede moun ki sensè yo pou yo gen bon konpreyansyon sou Jezi, sou relasyon li genyen ak Bondye ak sou wòl li jwe nan objektif Bondye. Pandan epòk Memoryal la, èske w ap fè moun konnen laverite sou Jezi avèk zèl?