Ann esplike lòt moun sa nou kwè sou 1914

Bib la ankouraje nou pou nou “pare pou nou defann” kwayans nou, men nou dwe “fè sa avèk dousè e avèk gwo respè”. (1 Pyè 3:15.) Natirèlman, nou ka twouve se yon defi pou n esplike lòt moun verite pwofon ki nan Bib la, tankou ki jan nou fè konnen Wayòm nan te kòmanse dirije an 1914. Pou ede nou, yo te prepare yon seri atik ki gen de pati ki gen tit: “Konvèsasyon ak yon moun nan vwazinaj la — Ki lè Wayòm Bondye a te kòmanse dirije?” Atik sa yo parèt nan Toudegad n ap prezante moun yo nan predikasyon nan mwa oktòb ak novanm. Pandan w ap egzamine atik sa yo, fè yon ti reflechi sou kesyon ki vin apre yo konsènan metòd pwoklamatè ki rele Kamelo a te itilize nan konvèsasyon l yo.

Ki jan li te...

• sèvi ak felisitasyon pou l te ka rete sou yon pwen li menm ak moun nan dakò? — Tra. 17:22.

• montre li gen imilite lè li t ap esplike moun nan kwayans li? — Tra. 14:15.

Poukisa se te yon bon bagay lefètke li te...

• fè yon ti rezime detanzantan anvan l te egzamine yon lòt pwen?

• fè yon ti poz detanzantan pou l te mande moun nan èske l konprann sa l sot esplike l la?

• veye pou l pa egzamine twòp enfòmasyon nan yon sèl konvèsasyon? — Jan 16:12.

Se pa ti rekonesan nou rekonesan anvè Jewova, “Gran Pwofesè” nou an, paske l anseye nou fason pou n esplike moun ki grangou nan domèn espirityèl yo verite pwofon ki nan Bib la! — Iza. 30:20.