Repons kesyon w yo

◼ Èske li apwopriye pou yo bat bravo lè yo anonse yon moun reyentegre ?

Avèk tout bonte Jewova Dye gen nan kè l, li te deja prevwa yon dispozisyon biblik pou pechè ki repanti yo rejwenn favè l e pou yo vin reyentegre nan kongregasyon an (Sòm 51:12, 17). Lè sa fèt, yo ankouraje nou pou nou konfime lanmou nou gen pou pechè ki repanti toutbon yo. — 2 Kor. 2:6-8.

Menmsi nou kontan anpil lè yon fanmi nou oubyen yon zanmi nou reyentegre, dwe toujou gen yon anbyans respektab nan kongregasyon an nan moman y ap anonse reyentegrasyon an. Men ki jan La Tour de Garde 1^e oktòb 1998, pale sou sa nan paj 17 la : “ Nou bezwen sonje laplipa moun nan kongregasyon an pa konnen nan ki sikonstans moun nan te eskli oswa reyentegre. Met sou sa, kapab gen moun peche moun ki repanti a te fè yo soufri oubyen te touche yo pèsonèlman. Lè nou konsyan de bagay sa yo, apre yo fin anonse reyentegrasyon yon moun, li nòmal pou se an prive nou tann pou nou montre moun nan nou byen akeyi l.

Byenke nou kontan anpil pou nou wè yon moun retounen nan laverite a, li pa t ap apwopriye pou nou bat bravo nan moman yo anonse reyentegrasyon l lan.