Egzanp: David

David renmen mizik. Li gen anpil talan antanke mizisyen e antanke moun ki ekri mizik. Li menm fè pwòp enstriman pa l ((2 Kwonik 7:6). David tèlman gen talan, sa fè wa Izrayèl la mande pou l vin jwe mizik pou li nan palè a (1 Samyèl 16:15-23). David aksepte. Men, li pa vin awogan, nitou li pa kite mizik gen kontwòl lavi l. Okontrè, li sèvi ak talan l pou l louwe Jewova.

Ou renmen mizik? Petèt ou ka pa gen talan menm jan ak David, men ou ka toujou imite egzanp li. Ki jan? Lè w pa kite mizik kontwole lavi w oswa fè w panse oubyen aji fason ki dezonore Bondye. Okontrè, sèvi ak mizik pou w jwenn plis plezi nan lavi a. Se Bondye ki bay moun kapasite pou yo fè mizik e pou yo pran plezi ladan l (Jak 1:17). David te sèvi ak kado sa a fason ki te fè Jewova plezi. Èske w ap fè menm jan an?