Egzanp: Vèv malerèz la

Jezi ap gade moun rich yo k ap mete ofrann nan kès yo konn met ofrann nan tanp lan. Pami moun yo, li wè yon vèv malerèz ki mete “de ti pyès monnen [...] ki prèske pa vo anyen”. (Lik 21:2.) Jezi fè louwanj pou jan l donan. Poukisa? Paske sa lòt moun yo mete a “pa deranje yo, men dam sa a ki nan nesesite a mete tout sa l te posede, tout sa l te gen pou l viv”. — Mak 12:44.

Èske w gen menm objektif ak dam sa a? Èske w dispoze bay tan w ak lajan w pou w sèvi Bondye? Menm jan ak vèv la ki te nan nesesite a, ou ka fè ofrann pou kenbe kote nou adore Bondye yo an bon eta. Ou ka bay tan w ak lajan w tou pou w ede lòt moun aprann konn Jewova. Jewova te wè ti kantite sa vèv la te mete pou soutni sèvis li e li te apresye sa. Menm jan an tou, Bondye ap apresye si w mete volonte l an premye e l ap ede w. — Matye 6:33.