KESYON 6
Ki sa Bib la te anonse konsènan Mesi a?
PWOFESI
“Kanta pou ou, o Betleyèm Efrata, [...] se lakay ou sila a ki pral dirije Izrayèl pou mwen an ap soti.”
AKONPLISMAN
“Apre Jezi fin fèt Betleyèm ki nan Jide a, nan epòk wa Ewòd, gen kèk astwològ ki soti nan Lès ki vin Jerizalèm.”
PWOFESI
“Yo separe rad mwen yo antre yo, e yo fè tiraj osò pou rad mwen an.”
AKONPLISMAN
“Kounye a, lè sòlda yo fin kloure Jezi sou poto soufrans lan, yo pran rad ki te sou li yo, yo separe yo fè kat moso [...]. Men, rad sa a te san kouti, se te yon sèl pyès, soti anwo rive anba. Se sa k fè youn di lòt: ‘Nou pap chire l. Annou fè tiraj osò avè l pito pou nou wè pou kiyès l ap ye.’”
PWOFESI
“Li pwoteje tout zo l. Pa gen youn nan yo ki kase.”
AKONPLISMAN
“Lè yo rive sou Jezi, kòm yo wè li te deja mouri, yo pa kase janm li.”
PWOFESI
“Yo te pèse l pou bagay mal nou fè yo.”
AKONPLISMAN
“Youn nan sòlda yo pèse bò kòt li ak yon lans, e menm kote a san ak dlo soti.”
PWOFESI
“Yo te peye m 30 pyès monnen ann ajan.”
AKONPLISMAN
“Lè sa a, youn nan 12 apot yo, ki rele Jida Iskaryòt, t al kot prèt an chèf yo, li di yo: ‘Ki sa n ap ban m pou m livre l ban nou?’ Yo ofri l 30 pyès monnen ann ajan.”