Vajtswv Txoj Kev Kav Yuav Ua Li Cas Kho Kev Ua Qias Tsis Huv Rau Lub Ntiaj Teb

Thaum lub 7 Hli tim 25, xyoo 2023, tus thawj coj uas saib xyuas kev ua qias tsis huv rau lub ntiaj teb uas nyob hauv lub koom haum United Nations hais li no tias, “Tej teeb meem uas los raug ib puag ncig lub ntiaj teb yeej ua rau tib neeg nyuaj siab, ua rau tej nroog tsis huv, thiab ua nyuaj rau txhua yam uas muaj sia. Vim huab cua hloov zuj zus lawm, thaum muaj nag xob nag cua, thiaj li muaj zog heev ua rau tej vaj tej tsev puas ntsoog tag thiab ua rau tib neeg khwv tsis tau los yug lub cuab lub yig. Tsis tas li ntawd, dej hiav txwv kuj sov zuj zus tuaj thiab ua rau tej tsiaj nyob hauv hav dej tuag zuj zus mus.”

Tej nom tej tswv puas yuav muaj kev koom siab thiab kho tau tej teeb meem uas los raug lub ntiaj teb? Thiab lawv puas muaj rab peev xwm kho kom txhob muaj tej teeb meem no ntxiv lawm?

Phau Vajlugkub qhia txog ib lub tseem fwv uas muaj peev xwm thiab yuav kho tau tej kev ua qias tsis huv rau lub ntiaj teb no. Phau Vajlugkub qhia tias, ‘Vajtswv tus uas nyob saum ntuj yuav tsa ib lub teb chaws’ los sis tsa ib roog nom tswv los kav thiab los kho tej uas ua qias tsis huv rau lub ntiaj teb. (Daniyees 2:44) Thaum Vajtswv roog nom tswv no kav lawm, tib neeg “yuav tsis ua kom mob thiab tsis ua kom puam tsuaj” ib leeg rau ib leeg los sis rau lub ntiaj teb.—Yaxayas 11:9.