Kos Duab

Muaj ntau zaus peb kawm tas los tsis nco tas lawm. Txawm li ntawd los ua li cas peb ho nco tau Yexus cov lus piv txwv zoo ua luaj li? Tos peb cim tau Yexus tej lus los thaum nws hais ces peb twb xav tau lawm. Zoo tib yam li ntawd, thaum peb nyeem Vajlugkub peb yuav tsum xav tau tib yam nkaus seb nyeem txog dab tsi rau dab tsi. Tom qab ntawd peb yuav tau muab kos ua duab kom peb thiaj cim tau tej uas peb kawm.

Thaum tib neeg muab tej uas lawv kawm tshiab kos cia ua duab lawv cim tau tej lus thiab tej ntsiab lus zoo dua. Peb tsis tas yuav kos kom zoo zoo nkauj, tsuas kos dog pes dig xwb los yeej pab tau lawm. Tej kws tshawb fawb xam pom tias kos duab li no yuav pab tau cov laus cim tau tej ub tej no zoo dua.

Lwm zaus yog peb kawm Vajlugkub, cia peb muab tej uas peb kawm kos ua duab. Tej zaud peb yuav cim tau tej uas peb kawm ntawd zoo dua!