Koj Pab Tau Koj Tsev Neeg Muaj Kev Zoo Siab

Yehauvas xav kom tsev neeg muaj kev zoo siab. (Phau Ntawv Nkauj 127:3-5; Tej Lus Qhia 9:9; 11:9) Txawm li los, tej kev ntxhov siab hauv lub ntiaj teb no thiab peb tej kev txhaum kuj ua rau peb tsis muaj kev kaj siab. Yog li, txhua tus hauv tsev neeg yuav tau ua li cas sawv daws thiaj muaj kev zoo siab?

Tus txiv yuav tsum saib taus tus niam. (1 Petus 3:7) Nws yuav tsum lauj sij hawm nrog nws tus poj niam ua ke thiab ris txiaj ntsig rau tej uas nws tus poj niam ua rau tsev neeg. (Kaulauxais 3:15) Tsis tas li ntawd, nws yeej hlub thiab qhuas nws tus poj niam.​—Pajlug 31:28, 31.

Tus niam yuav tsum txhawb tus txiv. (Pajlug 31:12) Nws yeej hwm thiab mloog tus txiv lus. (Kaulauxais 3:18) Nws hais tej lus mos lus muag thiab hais tej lus zoo txog nws tus txiv xwb.​—Pajlug 31:26.

Cov niam thiab cov txiv yuav tsum lauj sij hawm nrog lawv cov me nyuam ua ke. (2 Kevcai 6:6, 7) Qhia rau cov me nyuam tias nej hlub lawv. (Mathais 3:17) Ua li no, cov me nyuam thiaj hwm nej thiab ua neeg thoob tsib.​—Efexus 6:4.

Cov me nyuam yuav tsum hwm thiab mloog niam thiab txiv lus. (Pajlug 23:22) Qhia nej tej kev nyuaj siab rau nej niam thiab nej txiv paub. Thaum niam thiab txiv qhuab ntuas, nej yuav tsum hwm thiab saib taus lawv.​—Pajlug 19:20.

SAIB ZAJ YEEB YAJ KIAB UA RAU KOJ TSEV NEEG MUAJ KEV ZOO SIAB CES NUG LI NO:

Tsev neeg no ua li cas lawv thiaj muaj kev kaj siab?