LUB NEEJ KHIXATIA
Koj Cov Phoojywg Hauv Is Taws Nej Yog Neeg Zoo Li Cas?
Ib tug phoojywg yog ib tug uas yus hwm thiab yus ncawg. Zoo ib yam li thaum Daviv thiab Yaunathas koom ua ib lub siab tom qab Daviv tua yeej Nkauli-am. (1 Xamuyees 18:1) Nkawd ib leeg nyias muaj nyias ib tug cwj pwm zoo rub tau nkawd los ua ke. Yuav kom txojkev phoojywg nyob ruaj nreeg ob leeg yuav tsum paub Vajtswv Txojlus. Kev ntaus phoojywg yeej siv dag siv zog thiab siv sijhawm. Tiamsis niam no kev ntaus phoojywg yoojyim heev. Koj tsuas nkag kiag hauv Is Taws Nej xwb ces twb ntaus tau phoojywg lawm. Nyob hauv Is Taws Nej tibneeg hais lus mos lus muag zais ntshis tsis qhia ncaj tias lawv zoo li cas tiag. Yog li, peb yuav tsum paub tswj peb txojkev ntaus phoojywg hauv Is Taws Nej. Yog muaj tej tug koj tsis paub xav ntaus phoojywg nrog koj, txhob lam tau lam txais lawv ua koj phoojywg lossis txhob ntshai tsam lawv tu siab. Ib txhia paub tias tej vej xaij zeem phoojywg kuj tsim tau teeb meem thiab, yog li lawv thiaj txiav txim siab tsis siv. Tiamsis yog koj ho txiav txim siab siv zoo rau koj ceev faj tej yam twg?
SAIB ZAJ YEEB YAJ KIAB YUAV SIV TEJ VEJ XAIJ NTAUS PHOOJYWG LI CAS? TOM QAB SAIB TAG TEB COV LUS NUG NO:
Koj yuav tsum xav txog tej yam twg ua ntej koj muab koj tej duab thiab tej lus tso tawm rau hauv Is Taws Nej?
Vim li cas koj yuav tsum ua tib zoo xaiv koj tej phoojywg hauv Is Taws Nej?
Vim li cas peb yuav tsum tswj peb lub sijhawm nkag mus xyuas tej vej xaij zeem phoojywg?—Efexus 5:15, 16