Ua Siab Tawv Qhawv Tos Lub Sijhawm Kawg

VIM LI CAS HO TSEEM CEEB: Tsis ntev tom ntej, yuav muaj tej yam uas yuav sim seb peb puas muaj lub siab tawv qhawv thiab tso siab rau Yehauvas. Lub sijhawm uas txom nyem kawg nkaus yuav pib thaum Vajtswv rhuav tshem tej kev ntseeg cuav. (Mathais 24:21; Tshwmsim 17:16, 17) Thaum ntawd, peb yuav tshaj tawm ib txoj xov uas hnyav heev. (Tshwmsim 16:21) Ces Nkos hauv tebchaws Mankos yuav sawv tawm tsam. (Exekees 38:10-12, 14-16) Tiamsis Vajtswv yuav tiv thaiv nws cov neeg rau “hnub tseemceeb uas Vajtswv tus uas muaj hwjchim loj kawg nkaus teem cia lawm.” (Tshwmsim 16:14, 16) Yuav kom peb ua taus siab tawv rau thaum ntawd, peb yuav tau tso siab rau Yehauvas tamsim no.

XYAUM LI NO:

• Ua siab tawv qhawv coj raws li Yehauvas tej kevcai.​—Yaxayas 5:20

• Rau siab ntso teev tiam Vajtswv nrog cov kwvtij nkauj muam.​—Henplais 10:24, 25

• Thaum Yehauvas lub koom haum tshaj tawm ib yam twg, maj nroos ua.​—Henplais 13:17

• Xav txog tej yam Yehauvas tau ua los pab nws cov tibneeg thaum ub.​—2 Petus 2:9

• Thov Yehauvas thiab tso siab rau nws.​—Phau Ntawv Nkauj 112:7, 8

SAIB IB VUAG ZAJ YEEB YAJ KIAB UA SIAB TUAB THEV TEJ XWM TXHEEJ UAS YUAV LOS, TOM QAB NTAWD TEB COV LUS NUG NO:

• 

  Thaum muab cov koom txoos faib, ua cas ho nyuaj rau ib txhia mloog lub koom haum?

• 

  Qhov peb mloog Vajtswv lus yuav pab peb ua siab tawv qhawv li cas?

• 

  Vim li cas peb yuav tau ua lub siab tawv qhawv thaum txog Amankedoos?

• 

  Hauv phau Vajlugkub, zaj twg thiaj pab tau peb tso siab tias Yehauvas yuav cawm peb dim?​—2 Xwmtxheej Vajntxwv 20:1-24