Yuav Tau Npaj Thiaj Txawj Qhia
Muaj 2 zaug tibneeg tau nug Yexus txog txojsia ib txhis tsis kawg, tiamsis nws teb ib leeg lawm ib yam. Ua ntej nws teb, nws xav txog tus neeg xwv nws thiaj teb tau raug tus ntawd lub siab. (Lk. 10:25-28; 18:18-20) Yog li ntawd, txawm peb paub phau ntawv uas peb siv los qhia ib tug twg zoo heev los, peb yuav tsum npaj ua ntej rau tus uas peb yuav qhia ntawd xwv peb thiaj qhia tau raug nws siab. Thaum peb npaj, zoo rau peb xav li no: Puas muaj tej uas nyuaj rau nws to taub lossis nyuaj rau nws ntseeg? Yuav tau nyeem tej nqe Vajlugkub twg thiaj pab tau nws? Ib zaug twg yuav kawm ho ntau? Tej zaum peb yuav tsum xav seb zoo rau peb siv tej lus piv txwv twg, yuav piav li cas, lossis yuav nug li cas thiaj pab tau nws nkag siab tej uas nws kawm. Tsis tas li ntawd xwb, Yehauvas yog tus ua kom qhov tseeb loj hlob hauv tus kawm lub siab. Vim li ntawd, peb yuav tsum thov Yehauvas kom nws foom koob hmoov rau thaum peb npaj, rau tus peb qhia, thiab rau tes haujlwm peb ua los pab kom tus kawm txojkev ntseeg loj hlob.—1Khl. 3:6; Yknp. 1:5.