Ib Leeg Txhawb Ib Leeg Lub Zog

Yog peb nrog cov kwv tij nkauj muam ua ke ces peb ib leeg yuav txhawb tau ib leeg lub zog. Yuav kom peb ib leeg txhawb tau ib leeg tiag tiag, peb yuav tau ua ntau tshaj qhov uas peb tuaj nyob ua ke xwb. Nyob hauv phau Vajlugkub hais tias kom peb ib leeg txhawb ib leeg lub zog thiab ib leeg txhawb ib leeg txoj kev ntseeg. (Loos 1:11, 12) Yuav ua li cas peb ib leeg thiaj txhawb tau ib leeg?

Txawj xaiv peb tej lus. Xws li thaum peb teb hauv kev sib txoos, peb yuav tau tsis txhob hais txog peb tus kheej xwb tiam sis nco ntsoov hais txog Yehauvas, nws Txoj Lus, thiab nws cov tib neeg. Thaum nrog cov kwv tij nkauj muam tham, hais tej lus uas yuav txhawb tau lawv lub dag lub zog.

Tej uas koj ua txhawb tau lwm tus lub zog. Xws li txawm tsis yooj yim los ib txhia ua hauj lwm puv ntoob rau Yehauvas. Hos ib txhia muaj mob muaj nkeeg los sis ua hauj lwm sab sab lim lim los lawv haj tseem txhawb txoj kev sib txoos 1.

Ua li koj puas hais lus kom cuab tau lawv lub zog? Ua li thaum lawv ho txhawb koj, koj puas txais yuav?