Kev Pab Rau Cov Poj Niam Uas Raug Tsim

Cov lus no muaj nyob rau hauv lub vej xaij jw.org ntawm ib zaj kawm uas tham txog seb phau Vajlugkub hais li cas txog cov poj niam uas raug tsim.a Koj theej tawm tau zaj kawm no, muab luam tawm thiab muab tais tau ua ib phau ntawv me. Nyob hauv teb chaws Yunaithim Xatej (United States), muaj ib tug muam hais tias: “Kuv muab luam tawm thiab coj mus tseb hauv lub tsev uas cov poj niam raug tsim mus so.”

Muaj ib tug neeg ua hauj lwm hauv thov kom nws muab ntxiv xwv lawv thiaj tau muab tseb tawm rau cov uas nyob rau hauv lub tsev ntawd. Yog li ntawd, tus muam thiaj li nqa tau 40 daim mus ntxiv thiab nws kuj muab 30 daim ntawv tiv tauj rau tus uas thov ntawd. Tom qab no tus uas saib xyuas lub tsev rau cov poj niam raug tsim xav kom cov Tim Khawv mus qhia cov poj niam kawm Vajlugkub.

Tus muam ntawd thiab lwm cov muam kuj mus dua rau lwm lub tsev uas cov poj niam raug tsim so. Lawv kuj tseb tau tsib phau ntawv me uas hais tas no thiab lawv haj tseem xav tau ntxiv. Ib tug neeg ua hauj lwm ntawd hais tias: “Peb xav tau cov ntawv no vim cov ntawv no yuav pab tau cov poj niam hauv no heev.” Tom qab no cov poj niam uas nyob hauv lub tsev ntawd kuj tuaj sib sau ua ib ke seb yuav kawm Vajlugkub li cas thiab muaj ob tug kuj xav mus koom kev sib txoos.

Tus muam hais tias: “Peb ntseeg tsis tau li tias tib neeg nyiam npaum li cas. Thaum muab luam tawm mas yog ib phau ntawv me uas zoo qhia txog Vajtswv lub Nceeg Vaj. Thaum peb pom sawv daws nyiam li no mas ua rau peb zoo siab kawg li thiab peb vam thiab cia siab tias muaj ib hnub twg lawv yuav los nrog peb ntseeg Yehauvas.”