Siv Phau Vajlugkub Li Daim Tsom Iav

Tus tub txib Yakaunpaus muab phau Vajlugkub piv rau daim tsom iav kom peb thiaj li pom seb peb tus kheej zoo li cas tiag tiag. (Yakaunpaus 1:22-25) Yuav ua li cas peb thiaj txawj siv phau Vajlugkub yam li ib daim tsom iav?

Ua tib zoo nyeem. Yog peb lam saib daim iav tsawg tsuag xwb ces peb tsis pom tias peb ceb muag. Zoo ib yam li ntawd, yuav kom peb paub kho peb tus kheej, peb yuav tau ua tib zoo nyeem phau Vajlugkub.

Koj yuav tau muab piv rau koj tus kheej, txhob muab piv rau lwm tus. Yog koj muab daim tsom iav tsa txawv ces koj yuav pom lwm tus tsis zoo li ub li no. Zoo ib yam li ntawd, tej thaud peb yuav muab phau Vajlugkub los nrhiav tej qhov tsis zoo ntawm lwm tus. Tiam sis ua li ntawd peb yuav kho tsis tau peb tus kheej.

Txawj xav li tsim nyog. Yog peb pheej saib iav es pom tej yam uas peb tsis nyiam xwb ces yuav txo tau peb lub zog. Zoo ib yam li ntawd thaum peb nyeem Vajtswv Txoj Lus, peb yuav tau xav li tsim nyog xwb, tsis txhob muab xav ntau tshaj li Yehauvas xav.​—Yakaunpaus 3:17.