LUB NEEJ KHIXATIA
Yehauvas Nyob Ze Cov Uas Tag Kev Cia Siab
Tej thaud peb yeej muaj kev nyuaj siab. Thaum peb muaj kev nyuaj siab los tsis yog vim tias peb tsis muaj kev ntseeg txaus. Kuj muaj tej lub sij hawm Vajtswv Yehauvas nyuaj siab thiab. (Chivkeeb 6:5, 6) Tiam sis yog thaum peb nyuaj siab tas mus li, peb yuav ua li cas xwb?
Thov Yehauvas pab. Yehauvas yeej hmov tshua txog peb. Nws to taub peb zoo thiab paub thaum twg peb nyuaj siab thiab thaum twg peb zoo siab. (Phau Ntawv Nkauj 7:9) Yehauvas yeej hlub tshua peb thiab xav pab kom peb thev taus peb tej kev nyuaj siab tu siab.—Phau Ntawv Nkauj 34:18.
Xav mus rau qhov zoo. Thaum peb tu siab lawd, yuav ua rau peb tsis muaj kev zoo siab thiab kuj yuav cuam tshuam peb txoj kev sib raug zoo nrog Yehauvas. Yog li, thiaj tseem ceeb rau peb tswj peb lub siab es xav mus rau qhov zoo.—Pajlug 4:23.
SAIB ZAJ YEEB YAJ KIAB TXAWM PEB TSOOM KWV TIJ MUAJ KEV NYUAJ SIAB LOS LAWV TSEEM MUAJ TAUS KEV KAJ SIAB, TOM QAB SAIB TAG TEB COV LUS NUG NO:
Nikhis (Nikki) ua dab tsi los pab nws tus mob nyuaj siab?
Vim li cas Nikhis thiaj mus cuag kws kho mob pab?—Mathais 9:12
Nikhis cia Yehauvas pab nws li cas?