LUB NEEJ KHIXATIA
Saib Koj Tus Kheej Li Yehauvas Saib
Yehauvas “txaus siab heev rau nws haivneeg.” (Phau Ntawv Nkauj 149:4) Txawm peb yog neeg txhaum los nws yeej pom qhov zoo uas peb muaj. Tiam sis muaj tej thaud peb yuav xav hais tias peb zoo tsis txaus. Tej uas lwm tus ua rau peb, yuav ua rau peb xav tias peb tsis muaj nuj nqis. Los sis peb xav tias Yehauvas hlub tsis taus peb vim peb tej kev txhaum yav tas los. Thaum peb xav li no, dab tsi thiaj yuav pab tau peb?
Nco ntsoov tias Yehauvas pom peb lub siab thiab pom qhov zoo uas peb muaj. (1 Xamuyees 16:7) Thaum peb nyeem phau Vajlugkub thiab pom tias Yehauvas hlub cov uas teev tiam nws npaum li cas, yuav pab peb pom tias Yehauvas yeej hlub peb thiab.
SAIB ZAJ YEEB YAJ KIAB NTSEEG RUAJ NREEG TIAS YEHAUVAS HLUB KOJ, TOM QAB SAIB TAG TEB COV LUS NUG NO:
Zaj piv txwv txog tus tub sib tw khiav thiab nws txiv qhia tias Yehauvas saib peb li cas?
Yog ib tug tau ua kev txhaum loj heev thiab lees nws lub txim rau Yehauvas lawd, yuav ua li cas nws thiaj tso siab tias Yehauvas tseem hlub nws?—1 Yauhas 3:19, 20
Thaum tus kwv tij no nyeem thiab ua zoo xav txog Daviv thiab Yehausafas nkawd tus qauv, pab tau nws li cas?