LUB NEEJ KHIXATIA
Tsav Koj Txoj Kev Ntseeg Rau Vajtswv Txoj Lus
Vajtswv Txoj Lus muaj peev xwm hloov tau tib neeg lub neej. (Henplais 4:12) Tiam sis yuav kom nws Txoj Lus pab tau peb lub neej, peb yuav tsum ntseeg tias Txoj Lus ntawd yeej los ntawm nws tiag. (1 Thexalaunikes 2:13) Yog li, peb yuav ua li cas thiaj tso siab tau rau phau Vajlugkub?
Nyeem phau Vajlugkub txhua txhua hnub. Thaum koj nyeem, xav seb vim li cas koj thiaj paub tias lub tswv yim hauv phau Vajlugkub yog los ntawm Yehauvas los. Xws li thaum nyeem phau Pajlug, ua tib zoo xav koj thiaj yuav pom tias Yehauvas lub tswv yim pab tau txhua tiam neeg.—Pajlug 13:20; 14:30.
Tshawb nrhiav ib qho zuj zus mus. Yeej muaj pov thawj qhia tias Vajtswv yog tus tshoov neeg sau phau Vajlugkub. Yog xav paub, mus rau hauv Yehauvas Cov Tim Khawv Phau Ntawv Tshawb Nrhiav Vajlugkub thiab nias qhov uas hais tias cov ntsiab. Nias lub ntsiab “Phau Vajlugkub” ces tom qab ntawd mus rau “Vajtswv Tshoov.” Ib yam ntxiv uas yuav pab kom koj tso siab tau rau phau Vajlugkub yog mus nyeem Phau Tsom Faj lub 7 Hli xyoo 2016.
SAIB ZAJ YEEB YAJ KIAB VIM LI CAS PEB NTSEEG . . . VAJTSWV TXOJLUS CES TEB COV LUS NO:
Cov duab uas kos rau ntawm lub tuam tsev Khanem (Karnak) pab puas tau peb tso siab rau Vajtswv Txoj Lus?
Ua cas peb thiaj paub tias txoj xov hauv phau Vajlugkub yeej tsis tau hloov li?
Vim li cas phau Vajlugkub thiaj nyob los txog niaj hnub niam no?—Nyeem Yaxayas 40:8