Yehauvas Xav Hnov Peb Tej Lus Thov

Thaum peb thov Yehauvas raws li nws lub siab nyiam, peb tej lus zoo yam li tej tshuaj tsw qab uas muab hlawv hauv nws lub tuam tsev. (Phau Ntawv Nkauj 141:2) Thaum peb qhia rau Yehauvas tias peb hlub nws, ris nws txiaj ntsig, txhawj txog dab tsi, xav tau yam twg, thiab qhia rau nws tias peb xav kom nws coj peb txoj hau kev ces twb yog peb saib nws txoj kev phooj ywg rau nqi. Peb tej lus thov tom kev sib txoos kuj muaj nqis rau nws, thiab yog peb txoj kev pe hawm nws. Tiam sis, qhov uas ua rau Yehauvas zoo siab tshaj yog thaum peb teem ib lub sij hawm nrog nws tham ntev loo, thiab qhia txhua yam hauv peb nruab siab rau nws.​—Pajlug 15:8.

SAIB ZAJ YEEB YAJ KIAB KUV NIAJ HNUB THOV YEHAUVAS CES TEB COV LUS NO:

• Kwv tij Kalaudiam (Claudius) tau ua tes hauj lwm twg rau Yehauvas?

• Kwv tij Kalaudiam tau ua li cas qhia tias nws tso siab plhuav rau Yehauvas?

• Koj khaws tau tej yam twg los ntawm kwv tij Kalaudiam lub neej?