Yuav Tus Kav Koj Ib Sim Neej

Cov txij nkawm uas hwm Yehauvas muaj kev zoo siab thiab ua rau Vajtswv tau ntsej muag. (Malakaus 10:9) Yog koj xav ua neej tshav ntuj nrig, koj yuav tsum cia Vajtswv tej hauv paus ntsiab lus pab koj xaiv txij xaiv nkawm.

Yog koj tseem hluas thiab tswj tsis tau koj lub siab, txhob rawm maj sib yuav. Tos kom koj paub tab thiab muaj hnub nyoog zog tso, koj thiaj txawj xaiv txij xaiv nkawm. (1 Kauleethaus 7:36) Kav tsij siv koj lub neej hluas los tsav kev sib raug zoo nrog Yehauvas thiab xyaum kom tau nws tej cwj pwm zoo. Ua li ntawd thaum koj sib yuav lawm, koj lub neej thiaj yuav nto ntsis.

Ua ntej koj txiav txim siab yuav ib tug twg, siv sij hawm los paub nws lub siab kom zoo tso. (1 Petus 3:4) Yog koj pom nws coj tsis zoo qhov twg nrog nws tham. Nco ntsoov tias kev sib yuav tsis yog yus vam khom yus tus txij nkawm nkaus xwb. Yus yuav tsum muaj kev koom tes los nta lub neej thiab. (Filipis 2:3, 4) Yog koj twb xyaum coj li Vajtswv tej hauv paus ntsiab lus lawm ces thaum koj mus ua koj lub neej los koj yuav muaj kev kaj siab thiab lub neej yuav ruaj ntseg.

SAIB ZAJ YEEB YAJ KIAB NRHIAV TXIJ NKAWM—ZAJ 3: “UA TIB ZOO XAV,” TOM QAB SAIB TAG TEB COV LUS NUG NO:

• Thaum tus muam nyuam qhuav pib tham Phiab txhua yam mus zoo li cas xwb?

• Ntev mus tus muam pom li cas?

• Nws niam nws txiv pab nws li cas, thiab thaum kawg nws txiav txim siab ua li cas xwb?