Tswj Koj Lub Siab

Peb yog neeg txhaum ces yeej tsis yooj yim rau peb tswj peb lub siab lub cev. Yog peb cia txoj kev ntshaw tswj peb ces peb yuav ua rau Yehauvas tu siab. Tej txhia muab kev noj kev haus, vaj tse thiab tsoos tsho uas lawv hnav saib hlob dua Yehauvas. Lwm cov ua kev plees kev yi tsis paub ntshai Vajtswv li. (Loos 1:26, 27) Hos tej tug xav kom lawv tej npoj nyiam lawv ces lawv cia li raws tej npoj mus ua tej yam tsis zoo.​—Khiav Dim 23:2.

Peb yuav ua li cas thiaj tswj tau peb lub siab? Peb yuav tsum mob siab kawm Vajtswv Txoj Lus. (Mathais 4:4) Tsis tas li ntawd, peb yuav tau thov Yehauvas pab peb tswj peb lub siab. Yehauvas tib leeg xwb thiaj paub tias yam twg zoo tshaj rau peb thiab yuav ua rau peb nyob kaj siab lug.​—Phau Ntawv Nkauj 145:16.

SAIB ZAJ YEEB YAJ KIAB TXHOB CIA KEV HAUS YEEB UA RAU KOJ LUB NEEJ LIAM SIM, TOM QAB SAIB TAG TEB COV LUS NUG NO:

• 

  Vim li cas ib txhia ho haus luam yeeb?

• 

  Yog koj haus luam yeeb koj yuav ntsib tej kev phom sij twg?

• 

  Vim li cas tsis zoo rau peb haus yeeb?​—2 Kauleethaus 7:1

• 

  Yuav ua li cas peb thiaj thum tau luam yeeb? Thiab yog muaj tus yaum kom peb haus peb yuav hais li cas?