LUB NEEJ KHIXATIA
Xyaum li Yauxej—Txhob Mus Ua Kev Nkauj Kev Nraug
Yauxej ua qauv tseg rau peb xyaum kom txhob mus ua kev nkauj kev nraug. Txhua zaus thaum Pautifas tus pojniam taij kom Yauxej nrog nws pw los Yauxej yeej tsis kam. (Chivkeeb 39:7-10) Yauxej hais tias: “Kuv yuav ua li cas muaj pluaj siab deev koj thiab ua txhaum rau Vajtswv?” Nws cov lus no qhia tias nws twb muab xav thoob ua ntej lawm tias Yehauvas tsuas xav kom ob niam txiv uas twb sib yuav lawm pw ua ke xwb. Vim li no, thaum Yauxej raug sim, nws thiaj khiav tsis pub tus pojniam ntawd ntxias kom nws ua txhaum.—Chivkeeb 39:12; 1 Kauleethaus 6:18.
SAIB ZAJ YEEB YAJ KIAB TXHOB MUS UA KEV NKAUJ KEV NRAUG, TOM QAB NTAWD TEB COV LUS NUG NO:
Xeeb raug sim li cas?
Xeeb xav li cas thaum Mim thov nws pab qhia ntawv rau Mim?
Qhov uas Xeeb pab qhia ntawv rau Mim ua rau nws xav li cas?
Xeeb nrhiav kev pab ntawm leejtwg?
Xeeb ua li cas nws thiaj txav deb ntawm kev nkauj kev nraug?
Zaj yeeb yaj kiab no pab tau koj li cas?