Coj Zoo Thiaj Pab Tau Koj Tus Txij Nkawm Los Ntseeg

Thaum cov pojniam los ntseeg Yehauvas, lawv tus cwj pwm yuav pab tau lawv cov txiv los paub qhov tseeb. Tiamsis ib txhia yuav tau nyiaj ntev loo mam pab tau lawv tus txij nkawm los ntseeg. (1 Pet. 2:21-23; 3:1, 2) Yog koj tus txij nkawm ua tsis zoo rau koj los rau siab ntso coj zoo vim txojkev zoo yuav kov yeej tau txojkev phem. (Loo. 12:21) Txawm koj tus txiv tsis mloog thaum koj qhia nws txog Yehauvas los xij peem, qhov uas koj coj zoo yuav pab tau nws los ntseeg.

Ua tib zoo xav seb vim li cas koj tus txij nkawm tseem tsis tau los ntseeg. (Flp. 2:3, 4) Koj yuav tau xam pom thiab hlub tshua txog nws. Ua zoo mloog nws hais thiab ua ib tug niam tsev zoo rau lub cuab lub yig. (Yak. 1:19) Ua siab ntev thiab qhia tias koj hlub nws heev. Txawm koj tus txij nkawm tsis ua zoo rov rau koj los nco ntsoov tias Yehauvas pom txhua yam thiab txaus siab tias koj ntseeg nws ruaj nreeg.​—1 Pet. 2:19, 20.

SAIB ZAJ YEEB YAJ KIAB YEHAUVAS PUB DAG ZOG KOM PEB RIS TAUS LUB NRA, TOM QAB NTAWD TEB COV LUS NUG NO:

• Tom qab Kales (Grace) yuav txiv tag, nws lub neej zoo li cas?

• Vim li cas nws thiaj xav kawm Vajlugkub?

• Tom qab Kales ua kevcai raus dej tag, nws tau ntsib tej yam twg?

• Kales thov Vajtswv li cas thiaj pab tau nws tus txiv?

• Vim Kales coj zoo thiab saib taus nws tus txiv, nws thiaj tau txais tej koob hmoov twg?