Yehauvas Nyiam Cov Neeg Coj Huv

Cov niam txiv yeej cob qhia kom lawv cov menyuam paub nyiam coj huv. Xws li ntxuav tes, tu txaj, cheb tsev lossis nqa khib nyiab mus pov tseg. Txawm li ntawd los, tus uas qhuab qhia kom peb ua neeg coj huv yog Vajtswv, tus uas dawb huv. (Khd. 30:18-20; 2 Kev. 23:14; 2 Klt. 7:1) Yog li ntawd, thaum peb tu cev thiab tu tej khoom uas peb muaj qhia tias peb hwm Yehauvas. (1 Pet. 1:14-16) Ua li, peb puas tu peb lub vaj lub tsev lossis tu tej yam nyob ib ncig peb? Cov uas xyaum coj raws li Yexus yuav pab tu tej yam uas nyob ib ncig lawv thiab tsis coj li cov uas pov khib nyiab rau ntawm kev lossis ntawm tej chaw ua si. (Pnk. 115:16; Tsm. 11:18) Cov uas nyiam coj huv, txawm tias yuav yog tej yam me me li tej ntawv qhwv khoom qab zib lossis tej hwj haus dej qab zib los lawv yeej nqa mus pov tseg hauv thoob khib nyiab. Yog li no, cia peb ua txhua yam rau sawvdaws pom tias peb yog cov uas teev tiam Vajtswv.​—2 Klt. 6:3, 4.

SAIB ZAJ YEEB YAJ KIAB VAJTSWV NYIAM COV NEEG COJ HUV, TOM QAB NTAWD TEB COV LUS NUG NO:

• Tus kwvtij hais li cas kom nws thiaj tsis tau tu nws lub tsheb?

• Raws li Mauxes Txoj Kevcai, Yehauvas xav kom nws cov tibneeg coj huv li cas?

• Peb yuav ua li cas thiaj qhuas tau Yehauvas es tsis tas peb yuav hais ib los?