Tej Uas Pab Kom Peb Txawj Ua Vajtswv Tes Num​—Xyaum Kom Txawj Sau Ntawv

VIM LI CAS HO TSEEM CEEB: Povlauj sau tau 14 tsab ntawv mus txhawb cov Khixatia lub zog. Phau 1 Khaulee yog ib tsab ntawv uas nws sau. Kev sau ntaub sau ntawv yog ib txojkev sib txuas lus zoo, vim tus uas sau siv sijhawm ua tib zoo xaiv nws cov lus, thiab tus uas txais tsab ntawv xav muab nyeem pes tsawg lwm los tau. Kev sau ntawv kuj yog ib txoj hau kev los qhia Vajlugkub rau cov txheeb ze lossis tej tug uas yus paub. Tsis tas li xwb, muaj tej tug uas peb tsis tau pom dua li los peb sau tau thiab. Xav txog tej tug peb ntsib uas nyiam Vajlugkub heev tiamsis peb tsis rov ntsib li lawm, tej koog uas muaj ntsa loog thaiv peb mus tsis tau lossis tej koog uas nyob deb. Yog li no, thaum peb sau ntawv mus rau tej tug uas peb tsis tau ntsib dua li, peb yuav sau li cas?

YUAV TAU UA LI NO:

• 

  Sau yam li koj nrog nws tham tim ntsej tim muag. Qhia seb koj yog leejtwg thiab vim li cas koj ho sau ntawv mus rau nws. Tom qab ntawd, sau ib lo lus nug es qhia nws mus nrhiav cov lus teb hauv lub vej xaij. Qhia nws seb kawm Vajlugkub hauv tsev kawm li cas. Qhia nws txog peb tej ntaub ntawv uas muaj ntau lub ntsiab. Koj muab tau daim ntawv tiv tauj, daim ntawv caw lossis cov ntawv tseb tso nrog tsab ntawv xa mus rau nws

• Sau tsawg tsawg xwb. Yog koj sau ntau ntau ces tej zaum tus tswv tsev yuav nkees nyeem.​—Mus saib tus qauv sau ntawv

• Muab nyeem seb koj puas sau raug. Thaum koj nyeem, saib seb puas siab luag thiab puas txhawb tau luag. Koj yuav tsum them nqe xa kom txwm. Yog koj tsis ua li ntawd, tus uas txais koj tsab ntawv yuav tau them ntxiv