LUB NEEJ KHIXATIA
Tej Uas Pab Kom Peb Txawj Ua Vajtswv Tes Num—Txawj Siv JW.ORG
VIM LI CAS HO TSEEM CEEB: Tag nrho peb tej ntaub ntawv hauv Cov Twj Mus Ua Vajtswv Tes Num qhia txog lub vej xaij jw.org. Daim ntawv tiv tauj thiab daim ntawv tseb Yuav Nrhiav Tau Kev Pab Rau Peb Lub Neej Qhovtwg Los? yog sau qhia txog peb lub vej xaij. Koj kuj e-mail tau ib phau ntawv hauv lub vej xaij mus rau ib tug twg lossis muab lub vej xaij xa mus rau nws los tau thiab. Qhov no kuj pab tau koj thaum koj mus tshaj tawm es ntsib cov uas hais lwm yam lus. Tej thaum lawv kuj muaj lus nug txog tej yam uas tsis nyob hauv Cov Twj Mus Ua Vajtswv Tes Num thiab. Yog li ntawd, tseem ceeb rau peb txawj siv lub vej xaij, peb thiaj paub pab cov uas peb ntsib.
YUAV SIV LUB VEJ XAIJ LI CAS:
Lub ntsiab hais tias “VAJLUGKUB TEJ LUS QHIA.” Yog koj qhia Vajlugkub rau ob niam txiv uas xav kom txawj cob menyuam ces mus rau lub ntsiab VAJLUGKUB TEJ LUS QHIA thiab xaiv lub ntsiab me KEV TXIJ NKAWM THIAB TSEV NEEG.
Lub ntsiab hais tias “TEJ NTAUB NTAWV.” Yog koj qhia Vajlugkub tom tsev kawm ntawv rau ib tug es koj xav siv phau 10 Txojkev Pab Rau Cov Hluas ces mus rau lub ntsiab TEJ NTAUB NTAWV thiab xaiv lub ntsiab me NTAUB NTAWV LOJ THIAB ME.
Lub ntsiab hais tias “NTSIG TXOG PEB.” Yog koj qhia Vajlugkub rau ib tug uas nrog koj ua haujlwm es nws xav paub txog tej uas peb ntseeg ces mus rau lub ntsiab NTSIG TXOG PEB thiab xaiv lub ntsiab me NTSIG TXOG YEHAUVAS COV TIMKHAWV.
SAIB ZAJ YEEB YAJ KIAB TXAWJ SIV JW.ORG, TOM QAB NTAWD, SAU SEB KOJ YUAV SIV LUB VEJ XAIJ LOS PAB COV NRAM NO LI CAS:
tus uas ntseeg tias tsis muaj Vajtswv
tus uas muaj ib tug tag sim neej lawm
ib tug kwvtij nkauj muam twg uas tsis mus tshaj tawm txoj xov zoo tau ntev loo lawm
ib tug uas peb rov mus xyuas es xav paub seb peb muab nyiaj qhovtwg los ua Vajtswv tes haujlwm
ib tug tuaj lwm lub tebchaws tuaj es xav paub seb yuav mus kev sib txoos qhovtwg hauv nws lub tebchaws