Yuav Ua Li Cas Peb Thiaj Raws Tau Yexus Qab?

9:62

Yuav kom laij tau teb ncaj, tus tswv teb yuav tsum tsis txhob tig saib qab. Tib yam li ntawd, ib tug Khixatia yuav tsum tsis txhob tig rov mus ntshaw tej uas nws twb muab tso tseg lawm.​—Flp. 3:13.

Tej thaud kev nyuaj siab yuav ua rau peb xav txog lub neej thaum peb tseem tsis tau los paub Yehauvas. Yog peb pheej muab lub neej tamsim no piv rau lub thaud, yuav ua rau peb xav tias lub thaud zoo dua. Tiamsis qhov tseeb tiag, peb lub neej yav tas los muaj teeb meem ntau heev. Cov Yixayee kuj tau xav li no thaum lawv tawm hauv tebchaws Iyi los thiab. (X.Txh. 11:5, 6) Yog peb pheej xav txog lub neej thaud ces yuav ua rau peb xav rov qab mus coj lub neej qub. Yog li ntawd, zoo rau peb xav txog tej koob hmoov uas peb tau txais lawd thiab lub neej yav tom ntej thaum lub Nceeg Vaj kav!​—2Khl. 4:16-18.