LUB NEEJ KHIXATIA
Ua Lub Neej Qhuas Yehauvas!
Txojsia yog ib qho khoom pub muaj nqes heev. Peb lub neej yuav qhia seb peb puas nco Yehauvas txiaj ntsig rau qhov khoom pub no. Yehauvas Cov Timkhawv rau siab ntso siv lawv lub tswvyim thiab lub peevxwm los qhuas Yehauvas Tus Uas Pub Txojsia. (Nt.Nk. 36:9; QTsh. 4:11) Txawm li ntawd los, tej kev ntxhov siab hauv lub qab ntuj phem no yeej ua tau kom peb txojkev ntseeg tsuag. (Mk. 4:18, 19) Zoo rau peb xav li no: ‘Kuv puas muab yam zoo tshaj pub rau Yehauvas tiag? (Hxy. 14:2) Kuv txoj haujlwm yuav coj kuv mus rau qhovtwg xwb? Kuv muaj tej hom phiaj ntawm sab kev ntseeg li cas? Kuv yuav ua li cas thiaj qhia tau Vajlugkub ntau dua?’ Yog koj pom tias tseem tu ncua dabtsi, thov Yehauvas pab hloov koj lub neej. Yog peb siv peb lub neej los qhuas Yehauvas txhua hnub, peb yuav txaus siab rau lub neej thiab muaj kev kaj siab.—Nt.Nk. 61:8.
Koj muab koj lub peevxwm pub rau leejtwg?
SAIB ZAJ YEEJ YAJ KIAB MUAB KOJ LUB PEEVXWM PUB RAU YEHAUVAS THIAB TEB COV LUS NUG NO:
Vim li cas tsis zoo rau peb muab peb lub peevxwm pub rau Xatas lub qab ntuj? (1Yh. 2:17)
Cov uas muab yam zoo tshaj pub rau Yehauvas yuav tau txais tej koob hmoov twg?
Koj siv tau koj lub peevxwm los ua tej haujlwm tshwj xeeb twg rau Yehauvas?