Tej Uas Pab Kom Peb Txawj Ua Vajtswv Tes Num​—Qhia Vajlugkub Rau Ib Tug Uas Hais Lwm Yam Lus

Vim Li Cas Ho Tseem Ceeb: Yehauvas xav kom “txhua haiv neeg” los paub nws. (Ttx. 10:34, 35) Yog li ntawd, Yexus thiaj hais tias yuav muab txoj xov zoo tshaj tawm “thoob plaws lub ntiajteb” thiab tshaj tawm “rau ib tsoom tebchaws.” (Mth. 24:14) Xekhaliya tau faj lem tias tibneeg yuav los “ntawm txhua lub tebchaws” los teev tiam Yehauvas. (Xkhy. 8:23) Raws li tus tubtxib Yauhas tau ua yog toog pom, cov uas dim kev ceeblaj txom nyem loj kawg yuav los ntawm “txhua lub tebchaws txhua xeem txhua haiv neeg thiab txhua yam lus” los. (QTsh. 7:9, 13, 14) Vim li ntawd, thaum twg peb ntsib cov uas hais lwm yam lus hauv peb thaj tsam, peb yuav tau qhia Vajlugkub rau lawv thiab.