Kuv Tuaj Rau Qhov . . .

Thaum tus tswv tsev qheb qhov rooj es pom peb sawv ntawd, tej zaum nws yuav xav tias peb yog leejtwg thiab ua li cas peb thiaj mus xyuas nws. Lub sijhawm ntawd peb yuav hais li cas xwv nws thiaj tsis ntshai peb? Tom qab tus tswv tsev hu peb tas, ntau zaus peb kheev teb nws tias “wb tuaj rau qhov.” Piv txwv, tej zaum peb yuav hais tias: “Wb tuaj rau qhov ib tsoom kwvtij zej zog hais tias lawv txhawj xeeb heev txog tej kev phem uas niaj hnub no muaj ib ncig peb. Koj xav . . .” lossis “Kuv tuaj rau qhov kuv xav tuaj pab tibneeg kawm Vajlugkub dawb dawb xwb.” Yog thaum koj ntsib ib tug tswv tsev twg es koj qhia rau nws ua li cas koj mus xyuas nws, tej zaum nws yuav kam mloog koj dua.