Lus Tshaj Tawm

◼ Yuav tseb phau ntawv twg? Plaub Hlis thiab Tsib Hlis: Phau The Watchtower thiab Awake! Yog tias tus tswv tsev xav paub ntxiv ces muab daim ntawv Koj Puas Xav Paub Qhov Tseeb? rau nws thiab nrhiav kev los nrog nws kawm Vajlugkub. Tej zaum muaj ib co tuaj koom ua kevcai nco txog Yexus txojkev tuag, lossis lwm yam kev sib txoos, tiamsis lawv ho tsis koom nrog lub koom txoos. Thaum koj mus xyuas lawv, nrhiav kev los nrog lawv kawm phau ntawv Vajlugkub Qhia. Rau Hli: Phau Vajlugkub Qhia Txog Dabtsi Tiag? Thaum koj xub ntsib ib tug twg, nug seb nws puas xav kawm Vajlugkub. Yog nws twb muaj phau ntawv lawm thiab tsis kam kawm, ces nug seb nws puas xav tau ib phau ntawv qub, xws li The Watchtower lossis lwm phau ntawv. Xya Hli: Tseb cov ntawv uas muaj 32 nplooj, xws li phau Vajlugkub Txoj Xov, phau Phoojywg, lossis phau Plig. Thaum rov mus xyuas tus neeg ntawd, siv phau Vajlugkub Qhia. Tiamsis yog phau ntawv Mloog Vajtswv Lus lossis phau Mloog Vajtswv Lus koj thiaj Muaj Sia Nyob Mus Ib Txhis, yuav phim tus neeg ntawd dua, ces siv ib phau los mus kawm Vajlugkub nrog nws.

◼ Lub lim tiam ua ntej lub rooj sib txoos loj, zoo rau lub koom txoos siv sijhawm rov tham seb yuav tsum tau coj li cas thaum peb sawvdaws mus txoos ua ke. Ib ob hlis tom qab, yog lub koom txoos xav siv zaj lus qhia hu ua “Tej uas lub koom txoos cheem tsum” los tham txog lub rooj sib txoos loj seb pab tau sawvdaws li cas los kuj tau thiab.

◼ Yog tias koj yuav mus koom ib lub rooj sib txoos loj txawv tebchaws, mus saib lub Vej xaij (Web site) hu ua jw.org. Nias kab uas sau tias Lookup, ces tom qab ntawd xaiv kab uas sau tias Conventions. Muaj tej yam uas yuav pab tau koj.