Jehovah’s Witnesses—Faith in Action, Part 1: Out of Darkness
Phau Vajlugkub muab qhov kaj piv rau qhov tseeb, thiab muab qhov tsaus ntuj piv rau qhov cuav. (Nt.Nk. 43:3; Yxy. 5:20) Txij thaum Xatas ntxias tau Eva poob kev txhaum, kev tsaus ntuj pib laum lub ntiajteb thiab roos ib tsoom neeg. (QTsh. 12:9) Tiamsis nyob tiam tsaus ntuj no, Vajtswv tau ua qhov tseeb ci tuaj rau nws haiv neeg pom. Daim yeeb yaj kiab hu ua Jehovah’s Witnesses—Faith in Action, Part 1: Out of Darkness qhia txog qhov ntawd. (Yxy. 60:1, 2) Tom qab koj saib zaj no tas, xav seb koj puas teb tau cov lus nug nram no.
(1) Tom qab cov tubtxib dua tas lawm, txojkev tsaus ntuj los laum qhov tseeb li cas? (2) Pib rau tiam 1100, ua li cas tibneeg ho paub tias tej tsev teev ntuj lossis tshawj (church) tsis qhia qhov tseeb raws li phau Vajlugkub? (3) Henry Grew thiab George Storrs yog leejtwg? (4) Thaum Charles Russell tseem yau, tau muaj tej xwm txheej twg los raug nws, thiab tej ntawd ho ua rau nws xav li cas? (5) Kwvtij Russell ob txiv tub, thiab nkawd cov phoojywg tshawb nrhiav Vajlugkub ua ke li cas, thiab lawv tau tshawb pom li cas hauv phau Vajlugkub? (6) Vim li cas lawv ho mus koom nrog Nelson Barbour pawg ntseeg, tiamsis vim li cas tom qab no Kwvtij Russell ho ncaim ntawm lawv? (7) Lub Xya Hli, xyoo 1879, tau muaj dabtsi tshwm sim los pab kom cov kwvtij hajyam pom qhov tseeb? (8) Tom qab xyoo 1879, Cov Tub Kawm Vajlugkub tau npaj li cas, txoj xov zoo thiaj nrov ncha mus rau txhua qhov? (9) Tau ntau xyoo ua ntej, Cov Tub Kawm Vajlugkub ntseeg tias yuav muaj dabtsi tshwm sim rau xyoo 1914? (10) Tom qab Kwvtij Russell tas sim neej lawm, Cov Tub Kawm Vajlugkub raug sim li cas? (11) Tom qab tso Kwvtij Rutherford thiab cov kwvtij uas raug kaw, tawm hauv tsev loj cuj los, Cov Tub Kawm Vajlugkub npaj siab ua haujlwm dabtsi ntxiv? (12) Tom qab koj saib zaj yeeb yaj kiab no tas, ua rau koj hajyam nco txiaj ntsim li cas rau Yehauvas lub koom haum? (13) Niaj hnub no coob leej tawm tsam tes haujlwm tshaj tawm txoj xov zoo, tiamsis zaj no cuab tau koj lub zog li cas? (14) Peb yuav siv zaj no los pab peb cov kwvtij neej tsa, cov neeg uas peb qhia Vajlugkub rau, thiab lwm leej lwm tus li cas?
Cov Tub Kawm Vajlugkub tau tseg tej qub txeeg qub teg ntawm sab kev ntseeg zoo kawg li rau peb, puas yog? Txawm tias lawv nyob hauv lub qab ntuj tsaus nti los, lawv ua siab tawv qhawv, txhawb qhov kaj, kom sawvdaws thiaj pom qhov tseeb. Cia peb xyaum lawv tus qauv es ua lub neej uas qhia tias peb nyob hauv “qhov kaj.”—Efx. 5:8.