ZAJ NKAUJ 163
Kuv Pom Kaj Nrig
1. Nyob ntawm ib nta roob paj ri sua,
Tej me kab noog quaj kho siab khuav,
Pom Yexus pab cov uas raug txoj kev quaj ntsuag.
Nws hu lawv txhua tus luag lis ntxhi,
Kom kav tsij los mus cuag nws Txiv.
Lawv yuav dim lis plaws kev nyuaj siab huv tib si.
(TXAIS)
Yehauvas txoj kev kaj,
Ua rau kuv pom txhua yam.
Kuv thiaj dim txoj kev tsaus ntuj nti.
Kuv tsis pos muag nti tiam sis kaj nrig!
2. Kev nyuaj siab ua kuv kua muag si,
Li tus dej uas ntws tas mus li,
Los Vajtswv yeej nplig kuv nplooj siab ntshuj qas ntshis.
Me paj hmab paj ntoos dauv nrw niab,
Tej me nroj me tsuag ntsuab xwb xiab,
Tej no qhia hais tias Vajtswv yog tus tsim tiag.
(TXAIS)
Yehauvas txoj kev kaj,
Ua rau kuv pom txhua yam.
Kuv thiaj dim txoj kev tsaus ntuj nti.
Kuv tsis pos muag nti tiam sis kaj nrig!
3. Cia peb ua lub tsev saum lag zeb,
Tsis txhob ua lub tsev saum xuab zeb,
Tsam cua daj cua dub lam cia li muab ntsawj tseg.
Yehauvas Txoj Lus qhia rau peb,
Kom los taug txoj nqaim thiaj yog kev,
Thiab yog txoj kev uas yuav tau txoj sia tom ntej.
(TXAIS)
Yehauvas txoj kev kaj,
Ua rau kuv pom txhua yam.
Kuv thiaj dim txoj kev tsaus ntuj nti.
Kuv tsis pos muag nti tiam sis kaj nrig!
(Rho ntawm Mth 7:24.)