NTU 10
Cov Mloog Vajtswv Lus Yuav Tau Txais Tej Koob Hmoov Twg?
Cov tuag feem coob yuav sawv rov los muaj sia nyob hauv ntiajteb. Tubtxib Tes Haujlwm 24:15
Xav txog tej koob hmoov uas koj yuav tau txais yog tias koj mloog Yehauvas lus! Koj yuav tsis muaj mob muaj nkeeg li lawm. Yuav tsis muaj neeg phem nyob qhovtwg li lawm. Thiab koj yuav ntseeg tau sawvdaws siab.
Yuav tsis muaj kev txom nyem, kev nyuaj siab, thiab kev quaj ntsuag. Tibneeg yuav tsis txawj laus thiab tsis txawj tuag li lawm.
Koj yuav tau nrog koj tsev neeg thiab koj cov phoojywg nyob ua ke. Lub neej hauv lub Vaj Kaj Siab yuav zoo kawg nkaus li.
Yuav tsis muaj kev txhawj kev ntshai li lawm. Tibneeg yuav muaj kev zoo siab tiag tiag.