Koj Puas Xav Paub Ntxiv?

Phau ntawv no yog sau los qhia tibneeg txog txoj xov hauv phau Vajlugkub. Phau no tsis qhia txog txhua yam hauv phau Vajlugkub, tiamsis tsuas qhia cov ntsiab lus tseem ceeb xwb.

Tej zaum koj xav paub tias, phau Vajlugkub qhia li cas txog tej lus nug no: Vajtswv puas hlub kuv tiag? Tom qab tibneeg tuag, ua li cas rau lawv lawd? Kuv yuav nrhiav kev zoo siab li cas?

Koj yuav nrhiav tau tej lus teb rau cov lus nug no hauv phau ntawv hu ua, Phau Vajlugkub Qhia Txog Dabtsi Tiag?, uas Yehauvas cov Timkhawv luam tawm. Phau ntawv no yog sau los pab tibneeg kawm txog tej ntsiab lus hauv phau Vajlugkub. Yog tias koj kawm ib lub ntsiab zuj zus li tau npaj tseg, ces koj yuav paub nrhiav tej nqe Vajlugkub uas txhawb tej ntsiab lus ntawd. Yog tias koj xav tau phau ntawv no, sau koj lub npe thiab chaw nyob rau daim ntawv no thiab xa mus rau ib qho chaw nram qab no.

Yog xav nyeem lossis theej tawm daim ntawv no, lossis yog xav rau npe kom ib tug tuaj qhia Vajlugkub rau koj, mus hauv www.jw.org/hmn.