Cov Lus Piav Qhia

12 Lub Ntsiab Uas Txhawb Lub Cuab Lub Yig

Ntau zaus peb hnov txog cov niam txiv uas neej tawg tas lossis menyuam tsis mloog niam txiv lus. Tiamsis ua cas ho muaj tej yid lub neej zoo ua luaj? Dabtsi pab tau lawv?

• Txij xyoo 1990 los txog 2015, cov niam txiv sib nrauj coob heev ntxiv. Cov uas 50 xyoo rov saud coob tshaj ob npaug. Cov uas 65 xyoos rov saud coob tshaj 3 npaug lawm.

• Cov niam txiv tsis paub xyov yuav qhuab qhia metub menyuam li cas. Cov neeg tshawb fawb qhia tias yuav tsum qhuas menyuam tas zog, tiamsis lwm cov ho qhia tias yuav tsum coj nruj.

• Thaum cov hluas hlob tiav niam tiav txiv lawd, coob tus tsis paub tab pes tsawg.

Txawm muaj li ntawd los . . .

• Cov txij nkawm muaj peevxwm kho tau lub neej kom sib hlub mus li.

• Cov niam txiv yeej cob tau kom menyuam tsim txiaj thiab kom lawv paub tias lawv niam lawv txiv hlub lawv.

• Cov hluas yeej xyaum tau kom lawv paub tab lawv lub neej.

Dabtsi thiaj pab tau lawv? Phau Tsim Dheev! no yuav qhia txog 12 lub ntsiab uas txhawb tau lub cuab lub yig.