Tambayoyi Daga Masu Karatu
A wane lokaci ne Biritaniya da Amirka suka zama masu mulkin duniya na bakwai da aka kwatanta a cikin Littafi Mai Tsarki?
▪ A mafarkin da sarki Nebukadnezzar ya yi, ya ga wata babbar sifa na ƙarfe, wannan sifar ba ta wakiltar dukan masu mulki na duniya. (Dan. 2:31-45) Amma tana wakiltar masu mulki na duniya guda biyar kaɗai da suka kai wa mutanen Allah farmaki a zamanin Daniyel da kuma bayan hakan.
Yadda Daniyel ya kwatanta sifa ta ƙarfe ya koya mana cewa Mulkin Biritaniya da Amirka ba za ta yi wa Roma juyin mulki ba amma za ta taso ne daga cikinta. Daniyel ya ce ƙarfen ya soma daga ƙafafun har zuwa sawun da kuma yatsun. (An kwaɓa ƙarfen da yumɓu a sawun da kuma yatsun.)a Wannan kwatancin ya nuna cewa Mulkin Biritaniya da Amirka zai fito daga Roma, wato, ƙafafun ƙarfe. Kuma hakan ya faru. Biritaniya ƙaramin sashe ne na Mulkin Roma, amma ta soma kasancewa da iko sosai a ƙarshen ƙarni na 17. Bayan haka, Amirka ta zama ƙasa mai iko sosai. Amma a lokacin, Biritaniya da Amirka ba su zama masu mulkin duniya na bakwai da aka kwatanta a cikin Littafi Mai Tsarki ba tukuna. Me ya sa? Domin ba su soma aiki tare a hanya ta musamman ba. Sun soma aiki a lokacin Yaƙin Duniya na ɗaya.
A wannan lokacin, “’ya’yan mulki” sun fi ƙwazo sosai a ƙasar Amirka, kuma hedkwatarsu yana Brooklyn, New York. (Mat. 13:36-43) Shafaffu suna wa’azi sosai a ƙasashe da suke ƙarƙashin sarautar Biritaniya. A lokacin Yaƙin Duniya na ɗaya, Biritaniya da Amirka suka zama abokai na musamman. Sun haɗa hannu suka yaƙi magabta ’yan siyasa. Da yake yaƙin ya sa Biritaniya da Amirka su ƙara zama masu ƙishin ƙasa, sun kai farmaki ga waɗanda suka zama sashen zuriyar “macen” Allah. Sun hana a rarraba da kuma yi amfani da littattafan da zuriyar macen ta wallafa da kuma saka waɗanda suke shugabanci a aikin wa’azi a cikin kurkuku.—R. Yoh. 12:17.
Saboda haka, abin da muka karanta a cikin annabci na Littafi Mai Tsarki ya koya mana cewa masu mulki na bakwai ba su bayyana ba a ƙarshen ƙarni na 17 ba sa’ad da Biritaniya ta fara zama mulki mai iko sosai. Maimakon haka, ya samu iko a somawar ranar Ubangiji.b
[Hasiya]
a Yumɓu da aka kwaɓa da ƙarfe yana nufin mutanen da ke cikin Mulkin Biritaniya da Amirka. A cikin shekaru da yawa yanzu, wannan yumɓun ya sa ya kasance wa wannan mulkin wuya ya nuna ikonsa yadda yake so.
b Wannan bayani ya soke abin da aka bayyana a shafi na 57, sakin layi na 24 na littafin nan Pay Attention to Daniel’s Prophecy! da kuma taswirar da ke shafuffuka na 56 da 139.
[Hoto a shafi na 19]
An aika ’yan’uwa takwas da ke hedkwata na Shaidun Jehobah kurkuku a watan Yuni na shekara ta 1918