Kada Ku Ji Tsoron Su!

1. Ku ci gaba, Ya bayina,

Ku yi wa’azin Mulkin.

Kada ku ji tsoron su.

Ku gaya wa mutane

Cewa Ɗana, Yesu Kristi,

Ya yi yaƙi da Shaiɗan,

Kuma za ya halaka shi,

Sa’an nan za mu huta.

2. Ko da maƙiya sun dāge

Suna hamayya da ku,

Ko da sun yi murmushi,

Domin su yaudare ku.

Ba zan yi watsi da ku ba,

Kada ku ji tsoron su.

Don zan kāre mai aminci

A yaƙin Armageddon.

3. Ba zan yi watsi da ku ba,

Ni ne Madogararku.

Ko da kun rasa ranku,

Zan iya tayar da ku.

Kar ku ji tsoron ʼyan Adam

Don ni ne Mahalicci.

In kuka riƙe aminci

Zan yi maku albarka!