Gabatarwar Sashe na 1

Labarin yadda Allah ya halicci abubuwa masu kyau a sama da kuma ƙasa ne aka fara ba da a cikin Littafi Mai Tsarki. Idan kana da yara, ka taimaka musu su ga abubuwan ban al’ajabi da aka halitta. Ka ambata yadda ’yan Adam suka yi dabam da dabbobi, domin Allah ya halicce su da ikon yin magana da tunani da ƙera abubuwa da yin waƙa da kuma addu’a. Ka sa yaranka su nuna godiya don ikon Jehobah da hikimarsa da kuma ƙaunarsa ga dukan halittunsa.